Team

Produzent / Eugen

Ich bin de Christian Sollberger, produziere s’Hörspiel und spiele de Unggle Eugen. Ich tuen gern wandere und ich han tuusig Würm als Huustier.
.

Autorin

Ich bin d’Murièle Solange Bolay und han d’Gschicht vo Trixie und Troll gschriibe. Ich tuen viil i de Welt umereise und tanz liebend gern durch d’Strasse.

Illustratorin

Ich heisse Alexa Deck und han alli Figure vo Trixie und Troll zeichnet. Ich fahre gern Rollschueh und han zwei Wiiberg-Schnegge als Huustier.

Komponist

Ich bin de Yukio Elien Lanz und han d’Musig gmacht. Ich spiele 36 verschiedeni Instrument und miis rote Büsi heisst Zora.

Erzähler

Ich heisse Beat Schlatter und bin de Erzähler. Ich liebes spannendi Gschichte z‘erfinde und han‘s gern luschtig mit guete Fründe.

Trixie

Ich bin d’Nicole Edelmann und spiele d’Trixie. Ohni Bewegig wirdi ganz zablig, drum machi so viel wie mögli Sport mit lässe Gspändli. Und s Beste isch, ich dörf drum jede Tag Schoggi ässe.

Troll

 Ich heisse Stephan Luethy und bin de Troll Wuschelchopf.
Ich trinke am liebschte Rhabarberschorle und mache uuh gern schöni Velotoure im Grüene.

Oma Aurelia

 Ich heisse Suly Röthlisberger und bin de Trixie ihres Grosmami Aurelia.
Ich gang gern go spaziere und tue gern lache.

Kordula

Ich bin d’Gabriela Steinmann und spiele d’Kordula. Ich bin sehr gern dusse i de Natur, am liäbschte am und im Wasser. Es Läbe ohni Musig und Tanz chönnt ich mir gar nöd vorstelle.

Gnom Hühnerdieb

Ich heisse Christof Oswald und bin dä Hüenerdieb mit de lange Nase. Ich han zwar selber no nie es Huen gstohle, aber schon mal eis gässe (am liebste issi aber vegetarisch).

Geisterfrau Rubia

Ich bin d’Isabel Florido und spiele d’Geischterfrau Rubia, d’Frau Lüthold und d’Kita Frau. Ich bin en Hansdampf i viiiilne Gasse und wil ich Zirkus über alles liäbe, han ich mir en Flohzirkus zuegleit..

Giuseppe

Ich heisse Adriano Piccione und bin de Hip Hop Geischt Giuseppe. Ich bin es frächs Sing- und Tanzfüdli und schenke am liebschte ganz vill Freud.

Geist Filbert

Ich bin de Nico Wacker und spiele de Geischt Filbert. Ich bin scho ewig im Fuessballverein und spiele au sehr gern Gitarre.